Një aksident rrugor ka ndodhur sot në aksin Milot-Rrëshen ku drejtuesi i kamionit, S.L., 39 vjeç, ka aksidentuar këmbësoren, D.C., rreth 50 vjeçe.
Kjo e fundit ka marrë dëmtime dhe është transportuar në spitalin e Traumës Tiranë, në gjendje të rendë. Shoferi është shoqëruar në Komisariatin e Policisë Kurbin, për veprime të mëtejshme.
Njoftimi i policisë:
Në aksin rrugor Milot-Rrëshen, në afërsi të një karburanti mjeti tip kamion me drejtues shtetasin S.L., 39 vjeç, banues në Kamëz, Tiranë ka aksidentuar këmbësoren shtetasen D.C., rreth 50 vjeçe, banuese në Milot, Kurbin, ku si pasojë ka marrë dëmtime dhe është transportuar në spitalin e Traumës Tiranë, në gjëndje të rendë.
Drejtuesi i mjetit është shoqëruar në Komisariatin e Policisë Kurbin, për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të shkakut dhe rrethanave të ngjarjes.
