Para pak ditësh banorët e fshatit Topojan në Gramsh u alarmuan pasi sipas tyre tokat pranë Përroit të Skribicës ishin vizituar nga UFO-t. Sipas tyre UFO-t kanë ‘shëtitur’ fshatin duke djegur toka dhe më pas janë zhdukur duke lënë si shenjë disa rrathë në arën aty pranë. Por duket se ky fenomen i çuditshëm duket se ka një të vërtetë krejt ndryshe nga ajo që pretendojnë banorët.
Sipas mediave rrathët e formuar në tokë lidhen me një aktivitet shumë të thjesht të çdo fermeri gjatë muajve të pranverës dhe verës. Rrathët me formë të rregullt nuk janë krijuar nga UFO siç pretendojnë banorët por nga pronari i tokës, i cili disa ditë më parë kishte ujitur tokën e tij. Pronari kishte zgjedhur që ujitjen ta bënte përmes një pompe dhe një sistemi vaditës me sprucim, i cili rrotullohet dhe shpërndan ujin në një largësi dhe intensitet konstant.
