Ka reaguar nënkryetarja e Partisë Demokratike, Jorida Tabaku pas anulimit të mbledhjes së Këshillit të Mandateve në lidhje me kërkesën e SPAK për arrestimin e socialistit Alqi Bllako.
Jorida Tabaku thotë se kjo është një formë e avokatisë politike që po i ofrohet aferës 430 mln euro të inceneratorëve.
“Refuzimi për të mbledhur këshillin e mandateve nga ana e Kuvendit të Shqipërisë është një formë e avokatisë politike që po i ofrohet aferës 430 mln euro të inceneratorëve.
Fatkeqësisht partizanllëku politik është kthyer në armë kundër institucionit të parlamentit. Detyra e qytetarëve është të kuptojnë sa më mirë se si është e vërteta për vjedhjen e shekullit me vlerë 430 mln euro.
Përgjegjësia nuk është vetëm e Bllakos por ajo nis tek kryebashkiaku Fierit Subashi dhe vazhdon me Ahmetaj, Agaçin dhe Ramën”, shkruan Tabaku.
