Avokati, Spartak Ngjela në një intervistë në AGORA NEWS, theksoi se Rama nuk ja doli dot që të shpëtonte kryebashkiakun e Tiranës Erion Veliaj, pasi sipas tij, ai ishte figura e dytë e partisë dhe kishte një peshë të rëndësishme politike.
Ngjela tha se Edi Rama e ka frikë SPAK-un, por sipas tij, e ndjen veten më të sigurt sot sepse ka 2/3 e parlamentit.
“Edi Rama ka vetë frikë nga SPAK-u. A e keni parë? Edi Rama po të jetë problem që shpëtonte këta, kishte shpëtuar Erion Veliajn. Ai ka figurën e dytë të partisë të arrestuar. Po ta kishte në dorë, e kishte shpëtuar atë. Ku e ka ai forcën, e ka forcën sepse është kryeministër. Ku ndodh forca që është kryeministër. Nuk e arrestojnë dot sepse ai ka 2/3 e parlamentit. Prandaj ai është i mbrojtur derisa të ketë parlamentin. A nëqoftëse parlamenti shkon me drejtësinë dhe këtij i hapin çështje penale është problemi tjetër.” tha Ngjela.
