Tensionohet situata në Suedi, ku ka pasur protesta të dhunshme për shkak të Kuranit të djegur nga ekstremistët e djathtë.
Në shesh kanë dalë dhe manifestues kundër ekstremistëve duke bërë që tensionet të përshkallëzoheshin. Në qytete të ndryshme të vendit disa automjeteve i është vënë zjarri, ndërsa ka pasur të plagosur mes forcave të policisë dhe protestuesve.
Një natë trazirash në Suedi si pasojë e një serie manifestimesh kundër veprimeve anti islam nga ana e një grupi të ekstremit të djathtë, i cili dogji një kopje kurani duke kërcënuar se do e bënte sërish.
Episode të dhunshme janë regjistruar në periferi të Stokholmit por dhe në zona të tjera. Në Malmo policia shpërndau një turmë manifestuesish të cilët i kishin vënë flakën një autobusi. Në qytet ishin grumbulluar ekstremistët e së djathtës së lëvizjes Stram Kurs dhe grupi anti islam “Hard Line”, i drejtuar nga ekstremisti Rasmus Paludan.
Shumë automjeteve iu vu zjarri dhe disa manifestues hodhën gurë kundër policisë.
Të paktën 16 agjentë policie u plagosën dhe disa automjete të policisë u shkatërruan gjatë trazirave. Tre persona u plagosën me armë zjarri pasi protestuan kundër veprimeve të ekstremistëve.
Ministri i jashtëm irakian ka thërritur në takim të dërguarin suedez për çështjet e jashtme në Bagdad dhe e paralajmëroi se ngjarja mund të ketë pasoja serioze në marrëdhëniet e Suedisë dhe komuniteteve muslimane në përgjithësi.
