Tashmë është bërë mëse e zakonshme që sherret në rrugë të ndodhin edhe mes vajzave. Një ngjarje e rëndë ndodhi së fundmi në Tiranë, ku një 18-vjeçare goditi me thikë një 20-vjeçare. Ndërkohë, tashmë është bërë me dije shkaku. Arsyeja? Si në shumicën e rasteve çështja e të dashurve.
Sherri për pak i kushtoi jetën 20-vjeçares në zonën e “Qytetit Studenti” e cila përfundoi në spital. Sipas gazetarit Aldo Kozarja, 18-vjeçarja Martina Z. ka qëlluar disa herë me thikë 20-vjeçaren Aurora G. duke i shkaktuar plagë në dorë dhe pjesën e poshtme të trupit.
Fatmirësisht Aurora ndodhet jashtë rrezikut për jetën në spital. Ndërkohë, burime nga policia bëjnë me dije se shkak për sherrin ka qenë lidhja me një djalë. Ky i fundit ishte fillimisht në një raport me njërën nga vajzat dhe më pas me tjetrën, gjë që ka shkaktuar sipas policisë edhe sherrin mes të rejave.
