Analisti i njohur Mentor Kikia ka krahasuar këtë situatë me vitin 1998, ku Shqipëria përballej me eksodin e kosovarëve, të detyruar nga sulmet e Serbisë. Kikia tha se situata është e njëjtë, por në kushte të ndryshme, pasi sot ukrainasit vinë me autobusë dhe infrastruktura është ndryshme, teksa kosovarët dikur vinin më këmbë apo me çfarë mjeti që të mundeshin.
“Situata është fiks e njëjtë, ka të njëjtin emocion që kam përjetuar në vitin ’98 kur mbuloja ngjarjet në kufirin Shqipëri-Kosovë. Situatat e dhimbjes janë të njëjta në kushte të ndryshme. Refugjatët kosovarë vinin më këmbë, me qerre, me traktor. Kukësi ishte si gjithë Shqipëria, kishte një infrastrukturë modeste. Si kosovarët në Shqipëri, Ukrainasit kanë gjetur mikpritje në Poloni, dashamirësi. Hapën portat e shtëpisë dhe u ofruan atë që është më e nevojshme, një vend të qetë.”- deklaroi Kikia.
