Presidenti i Rusisë, Vladimir Putin ka thënë ditën e sotme se do të fitojnë dhe do të mposhtin llumrat nazist
‘Ushtria jonë, ashtu si paraardhësit e tyre, po luftojnë së bashku për të pastruar tokën e tyre nga llumi nazist’. Kështu shkruajti presidenti rus, Vladimir Putin, në “telegramet e urimit” dërguar liderëve të republikave të vetëshpallura të Donetskut dhe Luganskut më 77-vjetori i Fitores në Luftën e Madhe Patriotike, njofton Kremlini, duke nënvizuar se edhe lideri rus ka “shprehur sigurinë se fitorja do të jetë e jona, ashtu si në vitin 1945”. Presidenti rus u dërgoi një mesazh vendeve të tjera të Federatës Ruse me rastin e 9 majit, festës kombëtare të fitores në Evropë të Bashkimit Sovjetik mbi nazizmin, në të cilin u shpreh se ‘detyrë e përbashkët sot është të parandalojmë ringjallja e nazizmit që u ka sjellë kaq shumë vuajtje njerëzve nga vende të ndryshme’.
