Detaje të reja janë zbardhur në lidhje me pëplasjen me armë zjarri mes Talo Çelës dhe Nuredin Dumanit pak ditë më parë në fshatin Papër të Elbasanit. Mësohet se Talo Çela ka qenë në një lokal, pranë rrugës Elbasan-Përrenjas në momentin kur iu bë atentat Nuredin Dumanit.
Policia ka sekuestruar pamjet e kamerave të sigurisë, ku rreth orës 17:35 duket Talo Çela nën shoqërinë e dy personave të tjerë në një lokal në fshatin Xhyrë. Ndërkohë pak më parë Nuredin Dumani ka lënë Spitalin e Traumës dhe është transportuar drejt spitalit të burgut pranë QSUT-së. Ai u plagos gjatë të shtënave të 29 marsit dhe pak orë më vonë u arrestua nga policia në Fier. Dumani po mjekohej te Spitali i Traumës.
