Në Gjykatën Kushtetuese po zhvillohet seanca për shkarkimin e Presidentit Ilir Meta. Kryetarja e LSI-së, Monika Kryemadhi, e pyetur për këtë çështje, deklaroi se nuk e ka ndjekur fare seancën.
Ajo tha se nuk beson te kjo drejtësi, pasi sistemi i drejtësisë në vendin tonë nuk funksionon.
“As nuk e kam ndjekur këtë seancë në Gjykatën Kushtetuese. Unë nuk besoj te kjo drejtësi. Sot opinioni publik, sado që sponsorizohet për të thënë që sistemi i drejtësisë, funksionon, në të vërtetë nuk funksionon në të gjithë drejtimet”, u shpreh Kryemadhi.
