Një kanal televiziv rus transmetoi një simulim të tmerrshëm që tregon se si mund të shkatërrohet Europa me armë bërthamore në vetëm 200 sekonda. Kjo nuk është hera e parë që Kremlini përdor mediat e tij shtetërore për propagandë për sulmin ndaj Ukrainës. Ndërsa konflikti hyn në ditën e tij të 67-të, shumë prej shteteve perëndimore i frikësohen idesë se Rusia do t’i kthehet armëve bërthamore, ndërsa Putini më parë kërcënoi se do të kryente sulme me raketa ‘rrufe të shpejta’ nëse perëndimi ndërhynte në luftë.
Channel One’s 60 Minutes, një nga shfaqjet më të njohura të Rusisë, publikoi një klip që simulon sulme bërthamore në tre kryeqytete të mëdha europiane, duke mos lënë asnjë të mbijetuar. Politikani rus Aleksey Zhuravlyov foli në program ku tha se ” mjafton një raketë Sarmat dhe Ishujt Britanikë nuk do të jenë më”. Më pas u shfaq një hartë që tregon se si raketat e lëshuara nga Kaliningrad godasin Berlinin në 106 sekonda, Parisin në 200 sekonda dhe Londrën në 202 sekonda. Prezantuesi Evgeny Popov vuri në dukje se meqenëse MB ka gjithashtu armë bërthamore, hakmarrja e MB do të nënkuptonte se askush nuk do t’i mbijetonte luftës.
