Bardhyl Reso, një ndër anëtarët e parë të Komisionit Nismëtar të Partisë Demokratike, në një lidhje nga SHBA komentoi në edicionin e lajmeve zhvillimet e fundit politike në vend. Reso u shpreh se koalicioni Berisha-Meta nuk mund të sjellë kurrë një rotacion politik.
Ai ka bërë dhe një paralajmërim të fortë për Ilir Metën, ku shprehet se pas shkarkimit ai do të përballet me veprime të tjera ligjore
“Nuk janë vetëm veprimet e tij në presidencë, por është gjithë aktiviteti i tij politik që nga viti ‘98 ishte tepër i përfolur lidhur me korrupsionin dhe vjedhjen e votave. Kjo aleancë bëhet e pakuptimtë. Berisha dhe Meta po bëjnë një sondazh për t’u paraqitur sikur kanë një mbështetje politike te populli. Ata kanë si qëllim vetëm të tregojnë një mbështetje politike dhe asnjë më tepër për zgjedhjet e pjesshme të 6 marsit. Ky është një pragmatizëm që Berisha dhe Meta të shtyjnë ditët e fundit që ju kanë mbetur në politikën shqiptare. Berisha dhe Meta nuk mund të sjellin kurrë një rotacion politik. Meta pas shkarkimit do t’i duhet të përballet me veprime të tjera ligjore”,-u shpreh Reso për Dritare.
