Gazetari Blendi Fevziu thotë se nuk mund t’i kërkosh opozitës të reagojë për protestën e qytetarëve kundër rritjes së çmimeve, pasi sipas tij është e kuptueshme situata kritike ku opozita ndodhet.
Fevziu tha se mbështetja e protestuesve nga partitë politike opozitare nuk është e gabuar, për sa kohë nuk keqpërdoret kauza e tyre.
“Protestat janë një vëmendje e shtuar e qeverisë dhe një alert. Nuk mund t’i kërkosh opozitës në këto rrethana që është, është gjendur momenti më i keq, opozita është në ditët më të këqija të historisë së saj.
PD është katandisur në 13%, është rezultati më katastrofik në histori”, tha Fevziu në “AbcNews”.
