Greqia ka shtyrë sërish deri në datë 24 Maj, hapjen e kufirit me Shqipërinë, ku do të ketë një tjetër rivlerësim të gjendjes nga COVID-19.
Kalimi për në Greqi do të jetë me të njëjtat kushte si më parë, ku Kapshtica nuk do të jetë e hapur dhe komunikimi i vetëm me vendin fqinj do të jetë nga Kakavija nga 07:00 e mëngjesit deri në orën 19:00.
Ndërkaq, brenda 24 orëve në Kakavijë drejt Greqisë lejohet kalimi i vetëm 400 personave, rezidentë ose me leje, sigurisht me testin anti-COVID-19.
Sipas të gjitha gjasave në datë 24 Maj, Greqia do të hapë pikat e kalimit me Shqipërinë, pasi do të çelë sezonin turistik, pa harruar nevojën për fuqi punëtore
