gazetar_agoranews Policia e Tiranës ka arrestuar 3 persona për vepra të ndryshme penale. Efektivët kanë vendosur në pranga 29 vjeçarin nga Gjakova ka përndjekur moderatoren e njohur shqiptare, Luana Vjollca. 29 vjeçari Ajdin Morina është arrestuar në flagrancë teksa kishte shkuar mëngjesin e sotëm në rrugën pranë banesës së Luana Vjollcës.
Sipas policisë, i riu e përndiqte në mënyrë të vazhdueshme moderatoren. Ndërsa ajo e ka denoncuar edhe në maj të 2020 se e përndiqte dhe e ngacmonte prej disa muajsh. Për këtë arsyej moderatorja e kishte marrë seriozisht çështjen pasi kishte angazhuar edhe truprojë.
“Specialistët për Hetimin e Krimit në Komisariatin e Policisë Nr. 1 bënë arrestimin në flagrancë të shtetasit A. M., 29 vjeç, banues në Gjakovë, Kosovë, pasi në mënyrë të vazhdueshme ka përndjekur një shtetase”, thuhet në njoftimin e policisë
Tiranë:
Arrestohen në flagrancë 3 shtetas, për vepra të ndryshme penale.
Specialistët për Hetimin e Krimit në Komisariatin e Policisë Nr. 1 bënë arrestimin në flagrancë të shtetasit A. M., 29 vjeç, banues në Gjakovë, Kosovë, pasi në mënyrë të vazhdueshme ka përndjekur një shtetase.
Nga specialistët për Hetimin e Krimit u bë arrestimi në flagrancë i shtetasit E. H., pasi ka ushtruar dhunë fizike dhe psikologjike ndaj babit të tij.
Nga specialistët e Qarkullimit Rrugor u bë arrestimi në flagrancë i shtetasit I. M., 50 vjeç, pasi u kap duke drejtuar mjetin në gjendje të dehur, në masën 0.75 mg/l.
Materialet iu referuan Prokurorisë së Rrethit Gjyqësor Tiranë, për veprime të mëtejshme hetimore
