gazetar_agoranews Bill Gates dëshiron të blejë qindra hektarë tokë në Turqi për të ndërtuar një fermë të qëndrueshme atje që do të ndihmojë në shpëtimin e planetit nga ndryshimet klimatike.
New York Post bën me dije se investimi, të cilin ai do ta bëjë përmes Fondacionit Bill & Melinda Gates, të cilin ai dhe ish-bashkëshortja e tij e krijuan, është pjesë e angazhimit të miliarderit për të ndihmuar fermerët të përshtaten me ndryshimet klimatike.
Në fakt, bashkëthemeluesi i Microsoft ka bërë kërkimin e tregut ditët e mëparshme, kur ndodhej në Turqi për të festuar ditëlindjen e tij të 66-të.
Ishte hera e dytë brenda pak muajsh që ai udhëtonte në Turqi. Këtë herë ai pushoi për më shumë se një javë. Në fakt, ai festoi ditëlindjen e tij në një plazh afër Bodrumit me një festë prej 50 të ftuarish, përfshirë themeluesin e Amazon, Jeff Bezos.
