gazetar_agoranews Një ngjarje e rëndë ka ndodhur në Gjirokastër, ku një e mitur ka ndërruar jetë për shkak të një zjarri në banesën e saj.
Mbrëmjen e sotme, në banesën e saj dykatëshe të familjes Ndriço nuk kishte energji elektrike. Ndaj dhe për të siguruar ndriçimin kishin ndezur një qiri, i cili mendohet se ka shkaktuar edhe flakët në banesë.
Pasi qiriri ka rënë në divan, mendohet se objekti ka marrë flakë, ndërsa e mitura shkoi menjëherë në tualet në mënyrë që të mbrohej nga flakët e zjarrit, ku dhe është asfiksuar.
Përveç të miturës, edhe kryefamiljari Irakli Ndrico ka mbetur gjithashtu i lënduar nga flakët. Babë e bijë u nxorën nga shtëpia e përfshirë nga flakët dhe u dërguan në spital, të dy me shenja jete, por e mitura nuk u mbijetoi dot plagëve, ndërsa i ati është jashtë rrezikut për jetën.
Paraprakisht mendohet se zjarri në banesë është qiriri por ende versioni nuk është konfirmuar nga grupi hetimor, i cili po punon për të përcaktuar shkaqet e rënies së zjarrit dhe zbardhjen e rrethanave të ngjarjes.
