Ish-kryeministri Sali Berisha ka folur para mediave pasi doli nga mbledhja e grupit parlamentar demokrat.
Duke iu përgjigjur interesit të mediave Berisha theksoi edhe njëherë se padia e Alibeajt nuk ka asnjë vlerë, pasi kjo do të thotë mos njohësh një proces që njihet tashmë nga të gjithë shqiptarët.
Berisha theksoi se Alibeaj sillet si kryetar i komanduar i PD, ndërkohë që nuk e ka një post të tillë.
“Nuk është fjala për mendim është fjala për veprim. Padia s’ka asnjë bazë dhe padia është në një farë mënyrë të mos pranosh një proces që sot e njeh çdo shqiptar. Nuk ka asnjë tagër, sepse ai e konsideron veten kryetar të komanduar, ndërkohë kur ai nuk ka asnjë funksion të tillë”, tha Berisha.
