gazetar_agoranews Policia ka bërë të ditur edhe emrin e autorit të ngjarjes makabre të ndodhur sot në Fier ku fqinji rrëmbeu, vrau dhe më pas groposi fëmijën 8 vjeçar.
38-vjeçari rrëmbeu të miturin paraditen e sotme duke e çuar në banesën e tij ku e ka vrarë dhe e ka mbuluar me baltë në oborrin e banesës.
Sipas policisë, ai quhet Klodian Çalamani dhe është autori i vrasjes horror të 8-vjeçarit në Fier.
Policia ka mundur të arrestojë autorin e krimit, i cili dhe më herë kishte tentuar të rrëmbente një vajzë në Fier.
“Sot rreth orës 15:30 është bërë njoftim nga shtetasja F. V se nuk është kthyer në banesë djali i saj i vitlindjes 2013.
Me marrjen e njoftimit shërbimet e Komisariatit të Policisë Fier kanë bërë shpalljen në kërkim dhe në mënyrë të menjëhershme nga veprimet në terren, duke vlerësuar maksimalisht situatën dhe rëndësinë e saj, kanë marrë informacion, kanë punuar në grumbullim dhe administrim të provave dhe kanë bërë të mundur gjetjen e vendit të dyshuar ku mund të ndodhej fëmija i humbur.
Mbi bazën e vlerësimit të provave, në banesën e shtetasit K. Ç., 38 vjeç, pas kontrollit, është bërë e mundur gjetja e trupit të fëmijës së dyshuar i humbur, i mbuluar me baltë.
Menjëherë është bërë kapja dhe shoqërimi i autorit të dyshuar në Komisariatin e Policisë Fier dhe nën drejtimin e Prokurorisë së Rrethit Gjyqësor Fier po punohet për kryerjen e veprimeve të plota procedurale, zbardhjen e rrethanave të ngjarjes dhe motiveve të saj”-njofton policia.
