gazetar_agoranews Aeroporti Ndërkombëtar i Tiranës ka reaguar mbi rrëzimin e avionit të vogël model Beechcraft, në aeroportin e Rinasit.
Përmes një njoftimi për mediat, TIA ka shpjeguar ngjarjen e cila u regjistrua në orën 16:15 të datës 28 Shtator 2021, ku avioni me regjistrim zviceran HB-EFH, me 4 persona në bord, dy të rritur dhe dy fëmijë, të gjithë shtetas zviceranë, bëri ulje të detyruar në mes të pistës pasi pësoi një avari në sistemin e rrotave. Pasagjerëve u dha ndihma e parë menjëherë.
Sipas TIA-s, fatmirësisht nuk ka asnjë të lënduar dhe të 4 personat gëzojnë shëndet të plotë. Pas lajmërimit të Organit Kombëtar të Investigimit të Incidenteve Ajrore dhe kryerjes së investigimit në zonën e pistës, avioni u zhvendos nga pista, si pasojë, operimet në Aeroportin Ndërkombëtar të Tiranës, u pezulluan për 1 orë e 45 minuta. Ndërkohë njoftohet se fluturimet rifilluan.
