Rudina Hajdarit i vjedhin profilin zyrtar në Facebook dhe i vendosin një emër të çuditshëm

Rudina Hajdari duket se ka rënë së fundmi pre e sulmeve kibernetike në internet.

Nëse shkoni në profilin e saj zyrtar do të hasni një emër të çuditshëm në gjuhën vietnameze.

55 mijë ndjekësit e politikanes, e cila pas zgjedhjeve parlamentare të 25 prillit duket se është rikthyer përsëri në Amerikë, janë përballur sot me një emër të çuditshëm në llogarinë personale të Hajdarit.

Emri i saj është zëvendësuar me një frazë në gjuhën vietnameze.

“Ăn Chơi Bắc Ninh”, është emri që është vendosur në llogarinë e Rudina Hajdarit, që sipas përkthimit të Google në shqip është “Hani dhe luani në Bac Ninh”.