Për zgjedhjet lokale në 6 bashkitë e vendit, LSI-ja ia ka ofruar siglën dhe koalicionin, ndërsa Berisha ka nxjerrë kandidatët. Koalicioni “Shtëpia e Lirisë”, kur zyrtarisht sipas KQZ bëjnë pjesë LSI dhe PDK, ka brenda edhe grupimin Berisha që ka marrë përsipër që veç caktimit të kandidatëve po udhëheq edhe fushatën elektorale.
Ndërkohë që sot Berisha ka nisur fushatën nga Durrësi, kryetarja e LSI-së ka zgjedhur të dalë me një mesazh në rrjetet sociale.
Kryetarja e LSI-së , Monika Kryemadhi ka adresuar një mesazh ndjekësve të saj që të shijojnë një të diel të mbarë pranë familjes.
Duke folur nga banesa e saj, Kryemadhi është shprehur se “shiu ikën, dielli vjen” teksa u ka uruar të gjithëve që ta shoqërojnë këtë ditë pushimi me energji pozitive.
“Ju uroj të diel të mbarë për të gjithë ju që doni ta shijoni pranë familjeve tuaja me miq e shokë. Shiu ikën, dielli vjen. Shijojeni të dielën dhe energji pozitive,”-thotë ajo në fjalën e saj.
