gazetar_agoranews Në media qarkullon lajmi se është shkarkuar drejtori i përgjithshëm i Policisë së Shtetit, Ardi Veliu.
I pyetur në komisionin e Sigurisë Kombëtare nëse është shkarkuar Ardi Veliu, ministri i Brendshëm Bledi Çuçi tha se do ta mësoni shumë shpejt se kur do t’i mbarojë kandili, drejtorit të Përgjithshëm të Policisë.
Veliu u emërua në këtë post në shkurt të vitit 2018. Është ende i paqartë shkaku i shkarkimit të tij, ndërsa kujtojmë se vetëm një ditë më parë në qytetin e Elbasanit u ekzekutuan me armë zjarri dy persona të përfolur si njerëz të botës së krimit.
Po ashtu ditën e djeshme në Veri të Shqipërisë u rrëzua një avion i dyshuar se transportonte drogë, ndërsa dy pilotët arritën të largoheshin pa gjurmë me një fuoristradë.
