gazetar_agoranews Deputeti i Partisë Socialiste, Erion Braçe ironizon përmes një postimi në rrjetet sociale dy kundërshtarët e tij politikë, Sali Berishën dhe Ilir Metën, për deklaratat e tyre publike gjatë ditëve të fundit.
Ndërsa opozita mobilizohet për atë që e quan si revolucion në shtator, dhe me zhvillimet e fundit nga SPAK që po heton Metën, deklaratat publike të dy krerëve të partive opozitare janë bërë gjithnjë e më të shpeshta dhe më të ashpra.
Por Braçe shpreh në rrjetet sociale “shqetësimin” për qetësinë që ka rënë ditën e sotme.
“Ç’është kjo ditë koti; Ende nuk ka kërcënuar I.M, ende nuk ka sharë S.B! Mos ka ndodhur gjë se veç video nga FEDEZ laskuriq ka në qarkullim”, shkruan Braçe.
Ç’eshte kjo dite koti;
— Erion Brace (@ErionBrace) August 27, 2022
Ende nuk ka kercenuar I.M,
ende nuk ka share S.B!
Mos ka ndodhur gje se
vec video nga FEDEZ laskuriq
ka ne qarkullim!
