gazetar_agoranews Në takimet elektorale të zgjedhjeve parlamentare të 25 prillit janë hasur edhe përplasje midis kandidatëve për deputetë dhe vetë qytetarëve të cilët ankohen për keqqeverisjen e kryeministrit Rama.
Gjatë një takimi elektoral në Berat, kandidati i Partisë Socialiste Blendi Klosi u përball me revoltën e qytetari i cili u shpreh i revoltuar se Rilindja nuk ka bërë asgjë në 8 vite qeverisjeje.
“Po më mashtroni, ça takse thoni ju, keni vënë një shtyllë aty dhe thoni ka drita. Çfarë ka bërë Rilindja për ta që ta meritojë mandatin e 3-të, lërjani tjetrit, lërjani të rinjve?”
Ky është rasti i dytë pas takimit elektoral të disa ditëve më parë në Librazhd ku kandidati Taulant Balla u përball me një qytetar të revoltuar i cili i kërkonte llogari se ç’ka bërë për 8 vite. Por, ai nuk mundi ta mbaronte fjalën pasi Balla urdhëroi t’i hiqnin mikrofonin nga dora.
