gazetar_agoranews Ish-Kryeministri Sali Berisha duke iu përgjigjur akuzave të kreut të Partisë Demokratike Lulzim Basha se lideri historik s’ka lënë ish-kryetar të PD-së pa rrahur, theksoi se Basha ka qëndruar sus para tij për 8 vitet e fundit, pasi kishte frikë se nëse do të kundërshtonte do të kishte ndonjë grusht turinjve.
Sipas Berishës, Basha është peng dhe i sëmurë.
“Sot ish-kreu Basha dëshmoi shqiptarëve se pse ka qëndruar sus para meje 8 vite. Ai dukej se ka përfytyruar se pas çdo kundërshtie do ketë një grusht turinjve për ti thyer dhembet, ai me këtë duhet të mjekohet. Ai është rëndë me këtë që thotë. Kryetarët kanë qenë Eduart Selami, Tritan Shehu dhe Lulzim Basha. Këtë mund të thotë një mendje që ka humbur gjithçka. Peng dhe i sëmurë që i lejon vetes të flasë çdo gjë. Mendon se njerëzit nuk kanë memorie. Unë kuptoj se ai ka ndenjur sus para meje nga frika se mund të grushtohej. Ai ka thënë se unë 8 vite nuk kam marrë vendim dhe po të dëgjosh avokatin e tij, ai thotë se PD ka qenë me dy kryetare. Besoj se në këtë kontekst ato shkojnë me njëra-tjetrën”, tha Berisha.
