gazetar_agoranews Kandidati për deputet i Partisë Socialiste në Qarkun e Dibrës, Melaim Damzi është transportuar me urgjencë në Qendrën Spitalore Universitare “Nënë Tereza”.
Bëhet e ditur se Damzi është sjellë në Tiranë me helikopter për shkak të gjendjes së tij jo të mirë shëndetësore. Megjithatë nuk dihet deri më tani çfarë i ka shkaktuar komplikacione në shëndet kandidatit socialist.
Damzi është mjek në profesion. Ai renditet i katërti në listën e kandidatëve për deputetë të Partisë Socialiste në Qarkun e Dibrës.
