gazetar_agoranews Janë shënuar tensionet dhe incidentet e para në ambientet e jashtme të selisë së Partisë Demokratike, para se te nise protesta e thirrur nga ish kryeministri Sali Berisha. Mbështetës të Sali Berishës janë përplasur me Sekretarin e PD-së Roland Bejko.
Ky i fundit ka qenë duke hyre ne drejtim te portës anësore t PD-se, kur mbështetës te Berishës i janë afruar e kane share, shtyre dhe ofenduar Bejkon.
Tensioni dhe përplasja ka vijuar edhe jashtë ambienteve te PD-se, ne rruge, ku një grup personash e kane shtyre dhe goditur Roland Bejkon. Protestuesit i kanë treguar kartën e anëtarësisë dhe e kanë shtyrë Bejkon, ndërkohë që një prej tyre ka tentuar ta godasë edhe me çadër. Roland Bejko është larguar nga ambientet e PD-së dhe nuk ka mundur dot të hyjë për të qenë i pranishëm në mbledhjen e Kolegjit të Kryetarëve.
