gazetar_agoranews Megjithëse u arrestuan me bujë nga SPAK si bashkëpunëtore të Tire Alldervishit në rastin e rëndë në QSUT, infermierja Sidorela Çela dhe sanitarja Rukije Hoxha janë lënë të lira nga gjykata.
Sipas avokates së tyre, Antoneta Sevdari, vendimi i Gjykatës për t’i liruar ishte i drejtë.
“Detyrim për t’u paraqitur e mbështesim vendimin e gjykatës. Prokurori nuk kishte evidentuar veprimin apo mos veprimin. Vetë vendimi i gjykatës dilte në konkluzionin se nuk kishin bashkëpunuar me Tire Alldervishin. Vendimi i gjykatës është i drejtë,”– tha avokatja.
Çela dhe Hoxha u liruan sot, ndërsa për infermieret Mira Bushi dhe Sheqerie Koci, gjykata ka vendosur mospranim ankimi, duke i lënë sërish në qeli. Sipas Gjykatës, Bushi dhe Koçi nuk e kanë bërë ankimimin në mënyrën e duhur.
Tre infermieret dhe sanitarja e Covid 2 u arrestuan pasi akuzoheshin si bashkëpunëtore me sanitaren Tire Alldervishi e cila kishte mashtruar dhe marrë 8 milionë lekë të vjetra nga familjarët e një pacienteje e cila fatkeqësisht humbi dhe jetën nga koronavirusi.
