“Të kisha si vëlla”, këngëtarja humbi të afërmit në aksidentin tragjik në Bullgari

Mes viktimave që humbën jetën në aksidentin tragjik në Bullgari ishin edhe disa pjesëtarë të afërt të familjes së këngëtares Ganimete Abazi apo Ganja siç njihet nga publiku.

Ajo ka reaguar e prekur nëpërmjet një postimi në rrjetin social Facebook ku shkruan se ka humbur djalin e tezes të cilin thotë se e ka dashur si vëlla dhe bashkëshorten e tij me dy fëmijët. Këngëtarja thotë se tani do jetë e vështirë të shkojë në Shkup e të mos ketë mundësinë t’i takojë.

“Dhimbje, trishtim, lot! Se kam mendu që kështu do ikni! Sa të vështirë e kam tani me ardhë në Shkup e mos me ju taku! Të pata djalë teze, por të deshta si vëlla o Avni. Do të na mungoni shumë! Pushoni në parajsë engjujt e mi“, ka shkruar ajo.