gazetar_agoranews Një e moshuar është dhunuar dhe grabitur në Nartë të Vlorës. Ngjarja ka ndodhur rreth mesditës së sotme ku grabitësit kanë dhunuar të moshuarën në shtëpinë e kësaj të fundit në tentativë për të marrë para dhe sende me vlerë.
E moshuara e dhunuar, 85-vjeçarja Varvara Papa tregoi se pasi e kishin lidhur dhe mbuluar me jorgan, autorët kishin marrë vetëm 200 lekë të reja, aq sa kishte në banesë dhe ishin larguar.
Megjithatë, bëhet e ditur se e moshuara është në gjendje të mirë shëndetësore.
Në banesën e të moshuarës ka zbarkuar Policia e Shtetit dhe grupi hetimor, të cilët kanë nisur nga puna për kapjen e autorëve të ngjarjes.
Deri më tani në Komisariatin e Vlorës janë shoqëruar disa persona, megjithatë ende nuk dihet se kush janë dy grabitësit që dhunuan dhe grabitën të moshuarën.
