gazetar_agoranews Presidenti i vendit Ilir Meta ka shpjeguar sot se deklaratat e tij nuk lidhen me kapjen e Reformës në Drejtësi siç pretendon kryeministri Edi Rama, por me ruajtjen e votës dhe mbrojtjen e interesit publik.
Kreu i shtetit sqaroi se reforma në drejtësi është e kapur nga mazhoranca dhe solli si shembull procedurën e ndjekur tek zyrat e FRD.
“Si mund të jetë më e kapur se është e kapur reforma në Drejtësi? Si mund të jetë më shumë se kaq? Ka ndonjë atje për ndjekje penale për letrat e bakallit pa firmë e pa vulë? Si rasti që folëm (FRD). Së dyti ju e shihni si u katandisën dosjet e Shijakut dhe Dibrës. Nga Peshkaqenët kalohet te cironka. Njësoj si ajo puna e drogës, në vend të arrestohen ata që marrin parat dhe organizojnë trafikun, janë në burg ata që janë më poshtë.”-tha Meta.
