gazetar_agoranews Mbrëmjen e kaluar dy vajza janë dhunuar psikologjikisht dhe fizikisht nga dy djem pranë bulevardit “Migjeni” në Tiranë. “OraNews” ka mësuar se kjo ngjarje ka ndodhur rreth orës 23:00, ku dy djem, njëri prej tyre i identifikuar si Ardian Uka kanë fyer dy vajzat.
E sikur të mos mjaftonte kjo, dy djemtë i kanë pështyrë në fytyrë vajzat dhe më pas i kanë dhunuar fizikisht. Në videon e mëposhtme mund të shihet momenti kur dy vajzat dhunohen dhe momenti kur njëri prej djemve i pështyn ato. Ndërsa njëri prej djemve, që besohet se është Ardian Uka godet me pëllëmbë një vajzë.
Më pas vajzat janë larguar për të mos përshkallëzuar më tepër këtë ngjarje. Mësohet se njëra nga vajzat është nga Gjirokastra dhe ka dyshime se vajzat njiheshin me dy djemtë në fjalë, por ende nuk dihet shkaku i zënkës së tyre e cila ka degraduar në përdorimin e dhunës dhe ofendimeve.
