gazetar_agoranews Deputeti i ardhshëm i Partisë Demokratike, Mark Marku është përplasur me nënkryetarin e bashkisë së Tiranës Arbër Mazniku, duke i thënë se do t’u tërheqim zvarrë nga zyrat.
Ai ka paralajmëruar se PD mund të mos i njohë zgjedhjet dhe thotë se do të ketë revoltë.
Gjatë diskutimit në emisionin “Opinion”, Marku e ka humbur qetësinë dhe ka thënë se socialistët e meritojnë “t’i nxjerrësh me shkelma nga zyra”.
“Do ketë revoltë”, tha Marku, kur gazetari Blendi Fevziu e pyeti se PD e ka provuar me protesta por s’ka arritur gjë.
Pjesë nga debati:
Marku: Këta i caktojnë çmimin i thonë t’i vlen një thes miell
Marku: Ju jeni të pacipë mor burrë, Ç’a kuptimi ka me fol me ju
Fevziu: Në ç’kuptim të pacipë?
Marku: Këtyre t’u ngrihesh t’i nxjerrësh me shkelma nga zyra, ti trajtosh si rrugaçë
Fevziu: E provove këtë Mark por nuk ia arritët
Marku: Jo s’e kam provuar akoma, do shikojnë këta çfarë do ndodhë. Pse do mbajnë këta pushtetin me banda me dhunë? Se duan të vjedhin këta…
Fevziu: Çfarë do ndodhë?
Marku: Do ndodhë ajo që ndodh në një vend demokratik, do ketë revoltë.
