gazetar_agoranews Anëtari i Këshillit Kombëtar të Partisë Demokratike, Arben Ristani dhe deputeti i PD-së Ferdinand Xhaferaj janë përplasur me njëri-tjetrin teksa po diskutohej lufta Basha-Berisha.
Ristani akuzon se njerëz të armatosur dhe me maska sulmuan zyrat e Forumit Rinor të Partisë Demokratike.
“U sulmuan zyrat e partisë, të FRPD-së nga persona të armatosur dhe të maskuar. Ku ndodh kjo?”, tha Ristani.
Xhaferaj e mohoi.
“Si mund të sulmojë një parti zyrat e veta?!”, tha ai.
Sipas Xhaferajt, Kuvendi i 11 dhjetorit është i paligjshëm dhe duke interpretuar statutin e partisë, thotë se firmat e një të katërtës së delegatëve të Kuvendit duheshin dorëzuar te Kryesia për vendimmarrjen përfundimtare.
