gazetar_agoranews Kryeparlamentari Gramoz Ruçi është përplasur me deputetin Ralf Gjoni, në seancën e sotme plenare.
Pasi Gjoni përfundoi fjalën e tij në foltoren e parlamentit, Ruçi i vuri në dukje deputetit se për 15 minuta ka folur vetëm për pakënaqësitë e zgjedhjeve dhe jo për rendin e ditës.
Gjoni u kthye për t’iu përgjigjur Ruçit, por ky i fundit ia ndërpreu fjalën dhe i komunikoi përjashtimin nga salla. Në një moment dëgjohet kryeparlamentari që i thotë deputetit: “Jo, je trim i madh ti?”.
Ndërsa Gjoni i përgjigjet po me të njëjtën monedhë: “Jo po je ti trim. Nuk largohem, madje zë dhe vendin tënd”.
