‘Vit i ri i bardhë në portin e oligarkëve’, sekuestrimi i 119 kg kokainë gjatë ndërrimit të viteve, deputeti i PD del me deklaratën e fortë

Deputeti Ferdinand Xhaferraj ka reaguar pas sekuestrimit të 119 kg kokainë gjatë ndërrimit të viteve.

Nëpërmjet një statusi në ‘Facebook’ , ai akuzon qeverinë se është e paaftë të marrë masa për të ndaluar trafikun e madh të drogës që kryhet përmes Shqipërisë , pasi sipas tij , tre mandatet i ka siguruar përmes përdorimit të parave të pista dhe nëpërmjet aleancës me krimin e organizuar.

Reagimi i plotë:

Një vit i ri i bardhë në Portin e Oligarkëve

119 kilogramë kokainë mbërritën në Durrës gjatë ndërrimit të viteve, një pjesë e vogël e trafikut të madh të drogës që kryhet përmes Shqipërisë. Sigurisht masa për ta ndaluar nuk mund të merren nga një qeveri që ka siguruar të tre mandatet përmes përdorimit të parave të pista dhe aleancës me krimin e organizuar.