gazetar_agoranews Zëvendës Ndihmës Sekretari amerikan i shtetit Gabriel Escobar është takuar sot me drejtuesit më të lartë të politikës dhe shtetit shqiptar. Ai e nisi vizitën me kryedemokratin Basha, më pas takoi ministren e Jashtme Olta Xhaçka dhe kryeministrin Edi Rama. Në takimin me kryeministrin Rama Escobar ka vendosur theksin në përshkallëzimin e luftës ndaj korrupsionit në Shqipëri deri në nivelet më të larta.
Megjithatë, ajo që u vu re në takimet e Escobarit lidhet me shmangien e presidentit Ilir Meta. Ndryshe nga sa veproi në Maqedoninë e Veriut, ku Escobar u takua me presidentin Stevo Pendarovski, në Shqipëri ai preferoi mos të përfshinte në agjendë presidentin Ilir Meta. Ky veprim ka bërë që SHBA mesa duket të japë një mesazh të fortë ndaj presidentit Ilir Meta. A mos ndoshta është edhe Ilir Meta në listën e SHBA-ve në goditjen ndaj korrupsionit pas shpalljes ‘nongrata’ të ish-kryeministrit Berisha, të cilin SHBA e akuzon se ka pasuruar veten dhe aleatët e tij, dhe një nga aleatët në qeverisje ka qenë edhe Ilir Meta, i cili u kap në flagrancë në aferën e 700 mijë dollarëve.
