Ish-kryeministri Sali Berisha e ka “lexuar” dorëheqjen e drejtuesit politik të PD në Shkodër, Helidon Bushati si një reflektim. Në fjalën e tij në “Foltoren” e Vaut të Dejës, Berisha u shpreh se Bushati e kishte kuptuar qëndrimin e demokratëve shkodranë kundër Bashës, ndaj dhe kishte vendosur që të largohej nga posti.
“Helidon Bushati dha dorëheqjen sepse e kuptoi që qytetarët shkodranë nuk mund të pajtohen me peng Bashën. Po ashtu edhe ish-kryetari i grupit u tërhoq, sepse nuk pranon normat Basha. Ftoj çdo deputet që të tërhiqet, të rikthehen tek zgjedhësit e tyre. Shpresoj që kjo do të ndodhë,”-tha Berisha.
