gazetar_agoranews Në ceremoninë e ndarjes së çmimeve për gazetarët nga Unioni i Gazetarëve Shqiptarë, kreu i kësaj Organizate Aleksandër Çipa bëri të njohur se degëve të UGSH-së u shtohet edhe një re e cila do të bashkojë gazetarët sportivë të vendit.
Duke njoftuar për herë të parë shpalljen e çmimit ‘Ismet Bellova’, për gazetarët sportivë, Çipa bëri të ditur se UGSSH do të jetë pjesë integrale e organizatës më të madhe të gazetarëve profesionistë në vend. Në edicionin e parë, çmimi ‘Ismet Bellova’ iu dha gazetarit të njohur sportiv Kostandin Grillo, pas vdekjes.
Nisma e kësaj përfshirjeje u takon disa emrave të njohur të gazetarisë sportive nga i gjithë spektri i mediave të vendit. Nën kryesimin e gazetarit të njohur Dëfrim Methasani, dega e UGSSH do të jetë zëri përfaqësuesi i këtij entiteti të fuqishëm të gazetarëve profesionistë të sportit.
