gazetar_agoranews Ambasadorja amerikane Yuri Kim duket e vendosur në kërkesën e saj për të shqyrtuar të kaluarën me kujdes kandidatët për deputetë në listat e partive politike.
Tashmë që na ndajnë edhe pak muaj nga zgjedhjet parlamentare të 25 prillit, Yuri Kim ka rikthyer deklaratën e Departamentit Amerikan të Shtetit, i cili vendosi në “listën e zezë” deputetin e Partisë SocialDemokrate, Tom Doshin.
Duke iu referuar deklaratës së vitit 2018, Yuri Kim shkruan se ia vlen të kujtohet njoftimi i DASH, duke shtuar se votuesit shqiptarë meritojnë më shumë se kaq.
“Ndërsa autoritetet zgjedhore të Shqipërisë përgatisin zgjedhjet, ia vlen të kujtohet ky paralajmërim i bërë nga Sekretari i Shtetit në SHBA-së pas shqyrtimit të kujdesshëm të informacionit. Me siguri, votuesit e Shqipërisë meritojnë më shumë,”-shkruan ajo në Twitter.
Në vitin 2018 Departamenti Amerikan i Shtetit e shpalli Tom Doshin të papërshtatshëm për të hyrë në SHBA, për shkak se akuzohet për korrupsion.
LISTA E TË SHPALLURVE NON GRATA KU BIE NË SY EMRI I TOM DOSHIT DHE FAMILJARËVE TË TIJ
