Search
Close this search box.

Koncesioni i ri 100 mln euro i karburanteve/PD dorëzon padinë në SPAK: Rama po vjedh shqiptarët, do japë llogari

Përfaqësuesit e Partisë Demokratike Agron Shehaj dhe Sekretari për Çështjet Ligjore, Çlirim Gjata kanë dorëzuar në SPAK padinë për koncesionin e ri të qeverisë Rama në fushën e hidrokarbureve.

Sipas padisë, qeveria ka kryer  të paktën 3 vepra penale.

Agron Shehaj akuzoi direkt kryeministrin Edi Rama për një “pazar të pistë” që do rrisë çmimin e karburanteve për qytetarët.

Sipas Shehajt, “Rama po bën marrëveshje të ndyra e të korruptuara që të rrisin cmimin e karburantit në Shqipëri. Asnje tjeter pervec Edi Rames nuk ka pushtetin qe te vendose per dhenien e 100 mln eurove në duar të tre klientëve që mund të rezultojnë dhe një dorë e vetme.

Deklarata e e përfaqësuesit të PD, Agron Shehaj:

Sot, dorëzuam në Prokurorinë e Posaçme Antikorrupsion një nga vendimet më korruptive të qeverisë Rama përpara largimit. Në ditët e fundit të pushtetit, Edi Rama ka vendosur të japë një koncesion të fshehtë, në fushën e karburanteve, i cili do t’u kushtojë shqiptarëve 100 milionë euro.

Pa asnjë studim, pa transparencë, gjithçka në errësirë dhe me nxitim, qeveria ka paracaktuar që tre klientë të saj të gjurmojnë transaksionet financiare në fushën e hidrokarburëve.

Ky vendim, në fushatë zgjedhore shkel rregullat e zgjedhjeve, mbyll tregun në tre duar dhe, mbi të gjitha, fut duart në xhepat e qytetarëve, duke e bërë karburantin akoma më të shtrenjtë.

Pazari që Edi Rama ka bërë me 3 klientët e tij pak përara largimit nga qeveria duhet të hetohet nga SPAK. Nuk ka asnjë dyshim se kjo është një aferë e rëndë korruptive, e cila, nëse hetohet siç duhet, do ta çojë drejtësinë tek Edi Rama.

Rama po bën marrëveshje të ndyra dhe të korruptuara që do të rrisin çmimet e karburantit në Shqipëri, në mënyrë që miqtë e Ramës të bëjnë miliona në kurriz tonë.

Asnjë tjetër, përveç  Edi Ramës, nuk ka pushtetin që të vendosë për dhënien e 100 milionë eurove në vetëm 3 duar, të cilat, mund të rezultojnë edhe një dorë e vetme.

Ky vendim i pistë i Edi Ramës, që dënon shqiptarët me një vjedhje të re dhe me rritjen e çmimit të karburantit nuk do të njihet nga Partia Demokratike.

Është vendimi i një kryeministri në panik nga humbja e pushtetit. Edi Rama është në panik, sepse e kupton që fundi i tij ka filluar.

Koha e Edi Ramës ka mbaruar! Është koha për ndryshim! Është përgjegjësi e Partisë Demokratike ndaj qytetarëve që me planin tonë konkret të sjellim ndryshim në të gjitha fushat ku Edi Rama ka dështuar: në ekonomi, shëndetësi, arsim, imigrim, infrastrukturë. Ne do të sjellim ndryshimin dhe shpresë për Shqipërinë!

Vinkmag ad

Read Previous

Në kulmin e infektimeve/Mjeku i njohur: Jemi në skenarin më të keq me koronavirusin

Read Next

U akuzua për korrupsion dhe u kap me 500 mln lekë cash/Apeli liron mjekun Edvin Prifti

Leave a Reply

Your email address will not be published. Required fields are marked *

Most Popular