gazetar_agoranews Deputeti i Partisë Demokratike ka treguar se çfarë do të bëjnë mbështetësit e Berishës kundrejt Lulzim Bashës për të rimarrë selinë blu.
“U shtrua për vendimmarrje propozimi dhe pati një votim absolut që ditën e hënë të zyrtarizohen ndryshimet statutore në gjykatë. Kjo është një procedurë e zakonshme. Ka pasur raste kur kemi gabuar dhe nuk është bërë, por ka ndodhur që vendimet janë ratifikuar automatikisht. Në këtë rast për të shmangur çdo keqkuptim është vendosur që Komisioni i rithemelimit të shkojë në gjykatë dhe të regjistrohen. Ne sot kemi anuluar Kuvendin e datës 18 dhjetor. Nëse Basha dhe mbështetësit e tij do të duhen ta mbledhin me statutin e ri të PD-së, duke mbledhur firmat në një datë tjetër. Nëse ka mbështetje hajde futu në garë”, ka theksuar Këlliçi për Syri Tv.
