gazetar_agoranews Ambasadorja e SHBA, Yuri Kim ka reaguar sërish pas shpalljes “non grata” të Sali Berishës dhe familjes së tij.
Duke përdorur sloganin e Berishës në 2009, Kim tha se “Shqipëria po ndryshon dhe kultura e pandëshkueshmërisë po merr fund”.
“Nuk kam asnjë tjetër për të shtuar përveç se ka thënë sekretari i shtetit. Mesazhi është ky. Shqipëria po ndryshon. Shqipëria është anëtare NATO. Shqipëria do jetë anëtare e BE. Shteti ligjor duhet të prevalojë. Duhet të jetë një vend i pastër. Askush, askush nuk mund të jetë mbi ligjin. Kultura e pandëshkueshmërisë duhet të marrë fund. Ky nuk është një projekt i SHBA, i juaji, por një projekt që mund ta bëjmë bashkë”, ka deklaruar Yuri Kim.
Sa i përket gjyqit që Berisha ka paralajmëruar në Francë, ambasadorja tha se nuk kishte asnjë informacion.
Deklaratat, ambasadorja amerikane në Tiranë i bëri nga Pashalimani ku po ndjek stërvitjen ushtarake në kuadër të “Defender Europe 2021”.
