gazetar_agoranews Zëvendëskomandanti në pension i Batalionit të 53-të Kufitar, Dragutin Dimcevski, ka deklaruar se thirrja e Tiranës për të tërhequr forcat e armatosura serbe nuk mund të plotësohet.
Duke iu referuar kërkesës së Tiranës zyrtare, Dragutin Dimcevski shprehet se Shqipëria ishte vendi që mbështeti me gjithë zemër UÇK -në në sulmet ndaj trupave serbe gjatë viteve 1998 dhe 1999. Ndërkohë që i referohet deklaratës së kryeministrit Edi Rama në OBK, ku ky i fundit kërkoi njohjen e Kosovës, shkruajnë mediat serbe.
“Unë jam duke monitoruar situatën dhe mbështes plotësisht të gjitha masat e marra nga udhëheqja jonë shtetërore e udhëhequr nga Presidenti Vuçiç për të qetësuar situatën. Është mirë që trupat tona të armatosura janë në gatishmëri në mënyrë që të ofrojmë mbështetje morale për njerëzit e prekur në Kosovë. Unë e di këtë nga përvoja personale, sepse si ushtar kam marrë pjesë në luftime gjatë viteve 1998 dhe 1999. Dhe sa i përket helikopterëve tanë që fluturojnë përgjatë vijës administrative, unë isha me zemrën plot kur i pashë dhe nuk e kuptoj çfarë ka për t’u diskutuar kur fluturojnë në hapësirën tonë ajrore. Unë e kam bërë atë vazhdimisht, Kosova është territor i okupuar për mua, por nuk do të qëndrojë kështu përgjithmonë,”- tha Dimchevski.
