gazetar_agoranews Arbër Çekaj ka tentuar të arratiset sot nga burgu ‘313’ në kryeqytet së bashku me Fatmir Pjetrin, i njohur si pjesë e bandës së ‘Babagjyshëve’.
Çekaj ishte dënuar me 13 vite burg për kapjen e 613 kg kokaine që vinte nga Kolumbia në Shqipëri në vitin 2018.
Ndërsa vetëm pak muaj më parë policia sekuestroi në portin e Durrësit 49 kg kokainë e fshehur në një kontejner me banane që i përkiste Selim Çekajt, babait të Arbër Çekajt. Sipas hetimeve kontejneri me 49 kg kokainë kishte një muaj nën vëzhgimin e autoriteteve dhe ishte e ndarë në 31 pako e vendosur në shtyllat anësore të tij, ndërsa vendi i origjinës ishte i njëjtë; Amerika Latine.
Ndërkaq, Fatmir Pjetri ka qenë personi tjetër që ka tentuar të arratiset bashkë me Çekajn teksa ndodheshin në sallën e ajrimit. Pjetri është dënuar me 30 vjet burg për veprat penale “Vjedhja me armë e kryer në bashkëpunim”, “Grupi i strukturuar kriminal” dhe “Kryerja e veprave penale nga organizata kriminale dhe “Grupi i strukturuar kriminal”
