gazetar_agoranews Një tjetër vrasje ka tronditur Shqipërinë ditën e sotme. Pas ekzekutimit në Vlorë pasdite, mbrëmjen e sotme një 27-vjeçar është qëlluar me armë zjarri pistoletë, në rrethana ende të paqarta rreth orës 23:15, në rrugën “5 Maj” në Tiranë ku për pasojë ka ndërruar jetë.
Mësohet se viktimë e këtij sulmi është shtetasi me iniciale M.Q 27-vjeç. Sherbimet e Policisë kanë shkuar menjeherë në vendngjarje, kanë bërë rrethimin e zonës dhe po kryejnë kontrolle për kapjen e autorit.
Gjithashtu janë shoqëruar në Komisariat disa shtetas të cilët dyshohen se kanë dijeni për ngjarjen.
Grupi hetimor ndodhet në vendngjarje dhe nën drejtimin e Prokurorisë po punon për sqarimin e rrethanave të ngjarje, si dhe mbledhjen e çdo prove të mundshme që do çojë në identifikimin dhe kapjen e autorit.
