gazetar_agoranews Analisti Baton Haxhiu ka komentuar situatën aktuale në PD dhe luftën midis Bashës dhe Berishës për fronin e Partisë Demokratike.
Haxhiu shprehet se Basha do fitojë në mënyrë burokratike betejën me Berishën për PD dhe se Basha do ta mbajë partinë, por do ta mbajë jo si shumicë dhe që për një kohë do t’i duhet që t’i rikthejë besimin. Për Berishën, Haxhiu shprehet se ai është më e keqja e vrazhdët demokratike që i ka ndodhur Shqipërisë.“Basha duhet ta bënte betejën që në 2014 dhe aty ta ndante me Sali Berishën. Basha e ka trajtuar Berishën si babë dhe jo si lider politik, funksionimi i tyre ka qenë mbi kode morale, arkaike shqiptare që baba nuk duhet prekur. Një politikan që jep dorëheqje duhet të ikë nga politika nuk duhet të bëhet deputet dhe një prind i pafuqishëm i lë fëmijët e tyre të bëjnë jetën e tyre. Sali Berisha është posesiv dhe i vrazhdët, por në tavolinë është intelektual që ke dëshirë të flasësh, por pjesa intelektuale vdes në momentin kur rrugaçëria del në sipërfaqe. Rrugaçëria është arkaike, kurse intelektualizmi është lexim. Por nuk ka pasur kurrë kombinim që pjesa e tij intelektuale të dalë në sipërfaqe. Sali Berisha është i vrazhdët për arsye se edukata e tij është e tillë dhe ky posesivitet e ka vrarë Bashën. Kur të vijnë në ndihmë të mëdhenjtë shpëton, prandaj thashë Basha do ketë fitore burokratike dhe Sali Berisha do ikë si një njeri që më shumë i ka bërë keq këtij vendi. Berisha nuk është si Enver Hoxha, përndryshe është më i vrazhdët, më i pashpirt dhe më i keq se Hoxha. Nuk ka luftë të ftohtë dhe nuk mund të mbyllen kufijtë, nuk ka Rusi dhe Kinë dhe Amerikë ku demokracia mund të ndrydhet. Por me aq sa ka pasur mundësi Berisha i ka bërë dy apo tri ngjarje të rënda, ka bërë 1997 që është pjesë e saj, jo vetëm ai por edhe me të tjerët, ka bërë edhe Gërdecin, 21 janarin dhe Berisha ka atë idenë e vrazhdësisë para institucioneve ku vetëm dhuna dhe revolucioni mund ta ndryshojë, pra mëkatet e tij janë shumë më shumë se të mirat e tij. Prandaj, mendoj që Basha do ta mbajë partinë demokratike, por do ta mbajë jo si shumicë, por që për një kohë do i duhet që t’i rikthejë besimin. Ka qenë politikan i ndrydhur, liderët nuk krijohen çdo ditë. Basha dhe Berisha kanë qenë pjesëmarrës edhe në vjedhjen brenda partisë demokratike, bashkë kundër Olldashit. Berisha nuk e ka respektuar meritokracinë në parti, vendos njeriun që do vetë dhe kërkon që ta dëgjojë përjetësisht. Berisha është më e keqja e vrazhdët demokratike që i ka ndodhur Shqipërisë.”, u shpreh analisti Baton Haxhiu.
