Edi Rama shtrohet për dreka e darka me Vuçiçin, por shikoni se çfarë u bën Serbia ministrave të Kosovës

Ndërkohë që Edi Rama shtrohet për dreka dhe darka me presidentin e Serbisë Aleksandër Vuçiç nga njëra anë dhe nga ana tjetër shprehet për bashkim kombëtar me Kosovën, madje bën edhe mbledhje të përbashkëta të dy qeverive, nga ana e saj Serbia vijon politikën shoviniste ndaj shqiptarëve. Kështu, katër ministra të Qeverisë së Kosovës nuk janë lejuar që të shkojnë në Luginën e Preshevës për festën e Pavarësisë së Shqipërisë.

Sipas deputetit shqiptar në Kuvendin e Serbisë, Shaip Kamberi zyrtarët e lartë të Kosovës do të shkonin atje për festën e Pavarësisë.

Si pasojë e kësaj, Lugina e Preshevës, sot, në festën më të madhe kombëtare, mbetet rajoni vetëm i banuar me shqiptarë që nuk mundet lirshëm të realizojë të drejtën dhe lirinë e përdorimit të simbolit kombëtar si pjesë të identitetit kombëtarë. Në këto rrethana ndër më të rëndat nëpër të cilat po kalon, Lugina e Preshevës, ka nevojën si kurdoherë më parë për ndihmën shtetërore të Republikës së Kosovës dhe Republikës së Shqipërisë”, shkruan Kamberi ndër të tjera.

Edhe ministri e Infrastrukturës në Kosovë, Liburn Aliu, ka njoftuar se Serbia ua ka refuzuar kërkesën për vizitë në Medvegjë, Bujanoc dhe Preshevë, atij dhe ministrave, Arbërie Nagavci, Hekuran Murati dhe Hajrullah Çeku. Sipas Aliut, atyre u është refuzuar kërkesa pa asnjë arsyetim.

“Në harmoni me procedurat dhe marrëveshjen në Bruksel, ne kemi bërë kërkesë të rregullt me datë 24 Nëntor, duke prezantuar edhe agjendën e vizitës. Refuzimi na është bërë sot në oren 07:13. Në përgjigjen negative të marrë përmes zyrës sonë ndërlidhëse në Beograd, nuk shprehet asnjë arsye, për refuzimin.

Agjenda e aktivitetit të planifikuar, përfshinte vizitën, në datat 27 dhe 28 Nëntor, në të tre komunat e banuara me shqiptarë dhe takime me kryetarët e komunave, përfaqësuesit në parlament, në nivelin lokal dhe me krerët e subjekteve politike”, shkruan Liburn Aliu.

Leave a Reply

Your email address will not be published.