gazetar_agoranews Aktivistja e politikës në Shtetet e Bashkuara të Amerikës shqiptare-amerikania Evi Kokalari ka deklaruar se Lulzim Basha e përjashtoi Berishën nga grupi parlamentar demokrat pasi mori garanci nga SHBA-të për t’ju mbyllur dosja e lobimit. Kjo dosje sipas saj është mbyllur me kushtin që Berisha të hiqej nga grupi parlamentar demokrat. Ajo theksoi se do ta ngrejë çështjen në Kongres nëse Basha lejohet të futet në SHBA.
Kokalari ka shtuar gjithashtu se PD ka paguar 750 mijë dollarë për të lobuar në SHBA dhe shtoi se origjina e këtyre parave rrjedh nga një kompani ruse.
Evi Kokalari: Secili nga ju mund të shkojë tek fara, tek grupet lobiste që bëjnë prezantime në Amerikë. Kjo nuk ka asgjë të keqe, por ka shumë rregulla të rrepta në mënyrë se sib ëhen këto gjëra në Amerikë. Këtu Lulzim Basha u ngatërrua me veten. Brenda tre-katër muajsh PD-ja ka paguar 750 mijë dollar për të lobuar në Amerikë. Të them të drejtë është shumë, sepse një familje e thjeshtë punon shumë gjatë për këto para apo për të blerë një shtëpi. Problemi tjetër është se Lulzim Basha vendosi të bënte një kompani me origjinë ruse dhe sikur këto para do të investoheshin, kjo është ilegale në Amerikë. Fillimisht nuk doli, por më pas u detyruan që të dilnin në skenë paratë e marrë nga kompania ruse. Lulzim Bashës iu hoq e drejta e vizës për dy-tre vjet. Më pas kjo dosje u mbyll me kushtin që të hiqej Berisha nga grupi parlamentar i PD-së. Unë do shkoj në Amerikë dhe do të kontrolloj nëse Basha mund të futet në SHBA dhe të marrë vizë, kështu ne do e bëjmë problem dhe do e çojmë në Kongres. Lulzim Basha i hapi gropën vetes.
